Rs. 250
මේ පොත ගැන...
මා විසින් මේ ග්‍රන්ථය සම්පාදනය කර ඇත්තේ පළමු ශ්‍රේණියේ ඉගෙනුම ලබන පුංචි ඔබ සඳහාමයි. වර්ෂ 2016 සිට ක්‍රියාත්මක වන නව විෂය නිර්දේශයට අනුව "බුද්ධ ධර්මය" විෂය සඳහා මේ ග්‍රන්ථය සම්පාදනය වී තිබේ.ඒ අනුව මෙහි පාඩම් පෙළගස්වා ඇත්තේ ද ඔබ විසින් සපුරාගත යුතු වන නිපුණතාවන් අනුපිළිවෙළින් ආවරණය වන පරිදි වේ.
ඒ නිසා පුංචි දුවේ පුතේ , ඔබ මේ ග්‍රන්ථය පරිශීලනය කළ යුත්තේ ද ඔබගේ දෙමාපියන් , ගුරුවරුන් හා වැඩිහිටියන්ගේ මඟපෙන්වීම ලබමිනි.
ඒ අනුව, එක් එක් පාඩම් තුළින් පුංචි ඔබේ ජීවිතයට එක්කරගත යුතු හැම ගුණයක් ම පුංචි ඔබට හුරු කරවීම මෙහි පරමාර්ථය වේ.ඒ සඳහා පුංචි ඔබ විසින් මෙම ග්‍රන්ථය පාඩමෙන් පාඩමට ඉතා හොඳින් කියවමින් මෙහි ඇති ක්‍රියාකාරකම් සියල්ල ම නිම කිරීම පුංචි ඔබේ වගකීමකි.
මෙවන් ග්‍රන්ථයක් සකස් කිරීමට අවශ්‍ය ශක්තිය හා නැණැස පෑදීමට මා හට දායක වූ මාගේ ආදරණීය දෙමාපියන් ඇතුළු ගුරු මෑණිවරුන් හා පියවරුන්ටත් , මා වෙනුවෙන් බොහෝ කැපකිරීම් කළ මාගේ ආදරණීය සූසන් රණවීර මිත්තනියටත්, මෙවන් ග්‍රන්ථයක් සකස් කිරීමට මා සෙනෙහසින් දිරිමත් කරමින් මට මඟ පෙන්වා දුන් මධූකා ජයවික්‍රම ගුරු සොයුරියටත් , මාගේ පුණ්‍යානුමෝදනා පූර්වක ස්තුතිය පිරිනමමි.
එසේ ම , මෙවන් ග්‍රන්ථයක් සකස් කිරීමට කාරුණික ව අවස්ථාව ලබා දුන් මාස්ටර් ගයිඩ් ප්‍රකාශන ආයතනයෙහි අධ්‍යයන අධ්‍යක්ෂිකාතුමියටත් , මෙම ග්‍රන්ථය චිත්‍රයන්ගෙන් විචිත්‍රවත් කළ මංජුලා රත්නායක මෙනෙවියටත් , කාර්ය මණ්ඩලයේ සියලු දෙනාටත් මාගේ අවංක ආදර ස්තුතිය පුද කරමි.
මේ ග්‍රන්ථය ඉතාම ම අවධානයෙන් යුතු ව අව‌බෝධයෙන් පරිශීලනය කිරීම තුළින් පුංචි ඔබේ ජීවිතය ගුණ නැණ බෙලෙන් සුවඳවත් වී දසත පැතිරීමට අවශ්‍ය ආලෝකය ලැබේවා !යි පුංචි ඔබට හද පිරි සෙනෙහසින් ප්‍රාර්ථනා කරමි.
Adding to cart...
